“Уран хас” бүжгэн жүжиг Өмнөговь аймагт

Соёлын бүтээлч сарын хүрээнд орон нутгийн иргэд, хүүхэд багачуудыг соён гэгээрүүлэх зорилгоор Монгол Улсын Консерваторын бие даасан тайзны бүтээл “Уран хас” бүжгэн жүжиг Өмнөговь аймгийн Хөгжимт жүжгийн театрт 2025 оны 11 сарын 15 өдөр нутгийн иргэд,хүүхэд багачууддаа амжилттай тоглогдлоо.

Монголын бүжгийн урлагийн өв, уламжлал, уран сайхны орчин үеийн шийдлийг хослуулсан энэхүү бүтээл нь бүжигчид, найруулагч, багш, оюутнуудын хамтын хөдөлмөрөөр бүтээгдсэн бөгөөд орон нутгийн иргэдэд урлагийн үнэ цэнийг түгээн дэлгэрүүлэх, соёлын хүртээмжийг нэмэгдүүлэх зорилготой юм.