Үлээвэр Цохивор хөгжмийн тэнхимийн түүхээс:
Үлээвэр Цохивор хөгжмийн тэнхим нь одоогоор 10 үндсэн багш, 3 зөвлөх багш, 8 цагийн багшийн бүрэлдхүүнтэй үйл ажиллагаа явуулж байна. Тус тэнхим нь цохивор хөгжим, үлээвэр хөгжмийн 9 мэргэжлээр /флейта, гобой, кларнет, фагот, саксафон, валторн, труба, тромбон, туба/ мэргэжлийн сургалт явуулдаг бөгөөд монгол улсынхаа мэргэжлийн урлагийн байгууллагын боловсон хүчнийг бэлтгэх үйлсэд тэнхмийнхээ үйл ажиллагааг чиглүүлэн ажиллаж байна.
Тус тэнхим нь суурь боловсролоос эхлээд гоцлол хөгжимчин, найрал хөгжмийн гоцлол хөгжимчин, цөөхүүл гоцлол хөгжимчин, багш мэргэжлээр бакалавр, магистрын шатны сургалт явуулдаг бөгөөд хөгжимчин тус бүр найрал хөгжим, цөөхүүл хөгжимд өөр өөрийн тоглох хэсэгт ганцаар ажилладаг онцлогтой тул гоцлол хөгжимчний чадвар эзэмшсэн байх шаардлагатай байдаг. Иймээс тус тэнхимийн багш нар өөрсдийн сурагч оюутнуудаа олон улсын түвшинд хүрсэн шилдэг боловсон хүчин болгох өндөр зорилт тавьж ажилладаг юм.Үлээвэр цохивор хөгжмийн тэнхмийн сургалтыг явуулж ирсэн үндсэн багш нараас дурдвал Ч.Дашцэрэн /Труба/,Жамсран /Цохивор/,Чогдов /Флейта/,Ч.Наранхүү /Труба/ Дорждагва /Тромбон/, Б.Тунгалаг /Флейта/ , Шараа /Валторн/, Н.Ганбаатар /Труба/, Мөнхбат /Фагот/,М.Мөнхсайхан /Тромбон/, Д.Уламбаясах /Гобой/ нар ажиллаж байлаа.
Тэнхимийн эрхлэгч: Д.Дармаа
