Ардын бүжгийн тэнхим

Ардын бүжгийн тэнхимийн түүхээс:

1937 оны 4 сарын 10-нд гаргасан БНМАУ-ын Ардын сайд нарын зөвлөлийн ерөнхий
сайд А.Амарын 45-р тоот тушаалаар “Театрын дэргэдэх уран сайхны сургууль”
байгуулагдан, 1945 он хүртэлхи 8 жилийн хугацаанд нилээн хэдэн бүжигчид төгссөн тухай
ахмад багш М.Цэрэндорж номондоо бичсэн байдаг.
МАХН-ын Төв Хороо, Сайд нарын зөвлөлийн 1945 оны 34/30 дугаар тогтоолыг
үндэслэн Ардыг Гэгээрүүлэх яамны сайдын 55 тоот тушаалаар … Хөгжимт драматик
сургууль хэмээн нэрлэж, 1945-46 хичээлийн жилд бүжгийн ангид 15 хүүхэд суралцуулж
эхэлсэн байна. 1965 онд Соёлын яаманд бүжгийн урлаг хариуцсан мэргэжилтнээр
ажиллаж байсан Г.Долгорсүрэн яамны удирдлагуудад ХБДС-ийн бүжгийн ангид “Монгол
бүжиг”-ийн сургалтыг эхлүүлэх санал тавьж, улмаар 1967 оны 12-р сарын 15-наас
Г.Долгорсүрэн, тун удалгүй И.Дамдин нар томилогдон, сургалтын хөтөлбөр боловсруулах
ажлыг хамтран эхэлснээр одоогийн “Монгол бүжиг”-ийн сургалтын суурь тавигджээ.
2018 онд сургуулийн бүтэц өөрчлөгдснөөр “АРДЫН БҮЖГИЙН ТЭНХИМ” бий
болон үйл ажиллагаагаа явуулж эхэлсэн бөгөөд өнөө цагт тус тэнхимд мэргэжлийн
багшаар А.Хосбаяр (тэнхимийн эрхлэгч), Н.Оюун (зөвлөх багш), Н.Болор, Н.Эрдэнэбаяр
С.Цэцгээ, Т.Ганчимэг, А.Батхүү, концертмейстр багшаар Д.Одгэрэл, И.Сундуй, Б.Төгсбаяр
нар ажиллаж байна. Аливаа зүйл уламжлал дээрээ тулгуурлан цаг үетэйгээ нийлэн үндсэн
гольдролоосоо үл хазайн хөгжих ёстойн адил Монгол бүжгийн мэргэжлийн сургалт бусад
бүжгийн мэргэжлийн сургалттай зэрэгцэн хөгжин, үе үеийн төгсөгчид хот болон хөдөө
орон нутгийн мэргэжлийн урлагийн байгуулга болох театр, чуулгуудын тайзнаа үүргээ
гүйцэтгэсээр байна.