Хөгжмийн ухааны тэнхимийн анхны багшаар Монголын нэрт хөгжмийн зохиолч МУ-ын Төрийн хошой шагналт, АЖ Б.Дамдинсүрэн, ТШ, АЖ С.Гончигсумлаа, МУУГЗ Г.Цэрэндорж нар ажиллаж байсан ба урлаг судлалын ухааны анхны эрдэмтэн профессор Ж.Энэбиш /Ph.D/, профессор Д.Оюунцэцэг /Ph.D/, профессор Л.Эрдэнэчимэг /Sc.D/, доктор, дэд профессор М.Озила /Ph.D/, дэд профессор Р.Оюунбат /Ph.D/, Б.Батжаргал /Ph.D/, Д.Энхцэцэг /Ph.D/, Д.Ариунаа /Ph.D/ нарын орчин цагийн Монголын хөгжим судлалын эрдэмтэд ажиллаж иржээ.
Тус тэнхим нь шаталсан сургалтын бүхий л түвшний суралцагч, магистрант, докторантуудад хөгжим судлал болон онол, дуурьсахуйн ухаан, хөгжмийн шинжлэл, хөгжмийн түүхийн хичээл зааж, хөгжмийн онолын хэлэлцүүлгүүдийг зохион байгуулдаг.
Тус сургуулийн Хөгжмийн ухааны тэнхим нь шаталсан сургалтаар 1-12 анги болон бакалавр, магистрын нийт оюутнуудад хөгжмийн онол, сонсгол, хөгжмийн түүх зэрэг мэргэжлийн бүхий л суурь хичээлүүдийг зааж сургадагаараа онцлогтой. Мөн жазз хөгжмийн бакалаврын сургалтыг олон улсын нэр хүндтэй зочин профессор багш нараар заалгаж байна.
