Монгол Улсын Ардын багш, Гавьяат жүжигчин, профессор, Монгол бүжгийн сургалтын дэгийг үндэслэгч Гарамын Долгорсүрэнгийн мэндэлсний 100 жилийн ойг тохиолдуулан цуврал үйл ажиллагааг БЦМС-аас санаачлан зохион байгуулсан юм.

Ойг тэмдэглэх ажлын хүрээнд:

– “МУ-ын АБ, МУГЖ, ПРОФЕССОР Г.ДОЛГОРСҮРЭН НАМТАР СУДЛАЛ-100” Олон улсын эрдэм шинжилгээний хурал

– “ГАРАМЫН ДОЛГОРСҮРЭН намтар бүтээлийн өв судлал ” номын нээлт

– Г.Долгорсүрэнгийн амьдрал, уран бүтээлээр гэрэл зургийн үзүүлэн

– “Түүний түүх” хөрөг нэвтрүүлэг /Star TV-тэй хамтарч /

– Класс-концерт /Түүний нэрэмжит бүжгийн их танхимд/

– Хүндэтгэлийн гала тоглолт /СТӨ-нд/ зэрэг ажлууд

2023 оны 12 сарын 11, 12-ны өдрүүдэд амжилттай болж өндөрлөлөө.

Уг цуврал ажлуудыг дэмжиж ажилласан Монгол Улсын Соёлын яам, хамтран ажилласан МУАХолбоо, МУ-ын Консерваторийн ЭШИА-ны дарга М.Ундраа, УБМА-ны дарга М.Мөнхсайхан, номын санч Н.Цэрэнбат, сүлжээний инженер Б.Ариун-Эрдэнэ нартаа талархал илэрхийлье.

Мөн “Хүндэтгэлийн тоглолт”-ыг найруулсан ҮУИТ-ын бүжиг дэглээч Х.Хашхүү, МУ-ын Гавьяат жүжигчин Ш.Одонтуяа, ҮУИТ-ийн Ц.Сэвжидийн нэрэмжит бүжгийн чуулгын бүжигчид, ЦДБЭЧ-ийн бүжигчид, “Түмэн эх” чуулгийн бүжигчид, Улаанбаатар театрын гоцлол бүжигчин Б.Норовбанзад, Завхан аймгийн ХБК-ийн багш Ч.Мөнхчимэг болон сурагчид, МУ-ын Консерваторийн БЦМС-ийн Ардын бүжгийн тэнхимийн багш нар, сурагчиддаа баяр хүргэж талархал илэрхийлье.

Та бүхнийг Урлагийн Янжинлхам бурхан ивээж байх болтугай.