Иерусалимын Хөгжим, Бүжгийн Академийн Дуулаачийн тэнхимийн эрхлэгч ба хөгжмийн зохиолч, аранжировщик, удирдаач, төгөлдөр хуурч, дуучин, хөгжмийн нэвтрүүлгийн редактор, хөтлөгч, лектор, орчуулагч DAVID SEBBA-ийн МАСТЕР КЛАСС- НЭЭЛТТЭЙ ХИЧЭЭЛ Монгол улсын Консерваторын Дуулаачийн тэнхимийн багш оюутнуудад 2025.10-р сарын 30-наас 11-р сарын 5-ыг хүртэл явагдаж байна.

Америкийн Нэгдсэн Улсын IBLA сангаас зохион байгуулдаг Барток-Кабалевский-Прокофьевын нэрэмжит олон улсын төгөлдөр хуурчдын уралдаанд оролцож, амжилт гаргасан уран бүтээлчдийг Соёл, спорт, аялал жуулчлал, залуучуудын сайд Ч.Ундрам хүлээн авч, баяр хүргэлээ. Тус уралдаан нь 2025 оны 7 дугаар сарын 07-11-ний өдрүүдэд зохион байгуулагдсан ба ганцаарчилсан төрөлд төгөлдөр хуурч М.Заяа нэгдүгээр байр, Монгол Улсын Консерваторын Сонгодог хөгжмийн мэргэжлийн багш, төгөлдөр хуурч Б.Ариунаа хоёрдугаар байрт шалгарсан байна.

Монгол Улсын Дээд боловсролын сургалтын байгууллагын Багшийн хөгжлийн төвүүд үйл ажиллагааны туршлага хуваалцаж, харилцан суралцах зорилготой “Дээд боловсролын сургалтын байгууллагын багшийн хөгжлийн төвүүдийн өнөөгийн нөхцөл, цаашдын чиг хандлага – 2025” сэдэвт үндэсний туршлага солилцох уулзалт, хэлэлцүүлгийг Боловсролын яам, Боловсролын ерөнхий газар, Отгонтэнгэр их сургууль, Хөдөө аж ахуйн их сургууль, Үндэсний Батлан хамгаалахын их сургууль, Монгол Улсын Консерватор хамтран 10 дугаар сарын 29-ний өдөр зохион байгууллаа.

Нэрт хөгжмийн зохиолч, найрал дууны удирдаач Г.Дарамзагд агсны 95 жилийн ойд зориулсан Олон улсын мэргэжлийн дуучдын уралдаан ирэх 11 дүгээр сард Улаанбаатар хотноо болох гэж байна.

Монгол Улсын Консерваторын цохивор хөгжмийн чуулгын 18 дахь удаагийн “Найруулга” тоглолтдоо урьж байна.