11 сарын цуврал концертыг Г.Оюун-Эрдэнэ багш маань удахгүй Чех улсад болох “Virtuosi per musica di pianoforte” өсвөрийн төгөлдөр хуурчдын уралдаанд явах 2 шавь болон бусад шавь нарынхаа төлөөллөөс бүрдсэн концертоор үргэлжлүүлэн хүргэх гэж байна.

А.Энхтайваний нэрэмжит олон улсын анхдугаар уралдаан үргэлжилж байна.

Монгол улсын Консерваторийн Цохивор хөгжмийн чуулга “Найруулга 2022-2023” шинэ уран бүтээлийн тоглолтоо Улсын Филармонийн танхимд 2023.11.01-нд ганцхан удаа толилуулах гэж байна. МУК-ийн Цохивор хөгжмийн чуулгаас зохион байгуулж байгаа шинэ уран бүтээлийн тоглолт нь Тайванийн шилдэг маримба артист, профессор, хөгжмийн ухааны доктор Вэйчен Лин, “Тайпеийн иргэний симфони оркестр”- ын цохивор хөгжимчин Нэйтэн Пиаццан нарыг урин хамтран хөгжимдөж байгаагаар онцлог билээ.

Оросын суут хөгжмийн зохиолч С.Рахманинов 150 жилийн ойн хүрээнд Монгол улсын Консерваторийн Төгөлдөр хуур хөгжмийн багш Б.Цацрал, төгсөгч Г.Анужин нарын хамтарсан тоглолтонд та бүхнийг урьж байна. Тоглолтонд Монгол улсын Консерваторийн Симфони найрал хөгжим оролцох болно.

БНХАУ-ын Ёочин хөгжимчин Шүэ Шү болон түүний шавь нарын хамтарсан цуврал концерт 2023.10.02 өдөр Монгол улсын Консерваторийн Концертын А танхимд зохион байгуулагдлаа.

Манай сургуулийн мэргэжлийн төгөлдөр хуурын багш Сампилноровын Одгэрэл өөрийн ганцаарчилсан тайлан тоглолтоо энэ пүрэв гарагт тоглохоор бэлдээд байна. Та бүхэнд тоглолтын тухай танилцуулахад ODGEREL’S Solo Recital тоглолт 2 хэсгээс бүрдэж байгаа ба тоглолтын эхний хэсэгт Латин Америк, Аргентин хөгжмийн зохиолчдын бүтээлүүдээс Монголд анх удаа тоглогдох бол удаах хэсэгт Монголын нэрт хөгжмийн зохиолчдын, тэр дундаа сүүлийн үеийн мэргэжлийн хөгжмийн зохиолчдын тоглогдож байгаагүй зохиол бүтээлүүд эгшиглэгдэхээрээ онцлог юм.

Цөөхүүл хөгжмийн нэгдэлээс жил бүр 11,12 ангийханд зориулж зохион байгуулдаг танилцуулга хичээлийг энэ удаад цөөхүүл хөгжмийн чиглэлээрээ мэргэшин суралцаж, мөн тогтмол хамсран хөгжимддөг хоёр гарамгай уран бүтээлч багш нар болох ЦХН-ийн багш Д.Амармэнд, Б.Номингуа нар хийх гэж байна.

ODGEREL’S Solo Recital тоглолтод та бүхнийг хүрэлцэн ирэхийг урья

Оросын Шинжлэх ухаан Соёлын төв /РЦНК/ Монгол улсын Консерватори хамтран Оросын суут хөгжмийн зохиолч С.Рахманиновын 150 жилийн ойн хүрээнд амьдрал уран бүтээлийн “Би Орос хөгжмийн зохиолч” Фото үзэсгэлэн 2023.09.14 өдрөөс эхлэн 2023.09.28 хүртэл Консерваторийн хичээлийн 1-р байрны 2 давхарт гарч эхэллээ.

БНХАУ Үндэстний их сургуулийн Ёочин хөгжмийн багш Шүэ Шү болон түүний шавь нарын хамтарсан тоглолт 2023.10.02-ны өдөр 18:30 цагт Концертын А зааланд болох тул та бүхнийг хүрэлцэн ирэхийг урьж байна.