БНХАУ-ын Учао хотноо хоёр жил тутам зохион байгуулагддаг олон улсын “А” зэрэглэлийн циркийн жүжигчдийн тэмцээн 2023.10.25-30 өдрүүдэд амжилттай болж өндөрлөлөө. Энэ удаагийн тэмцээнд Монгол улсын Консерваторийн Цирк ангийн төгсөгчдийн н.Амартүвшин ахлагчтай хамт олон болон бакалаврын IIIа курсийн оюутан Ц.Номин нар багийн төрөлд “Шидэх банз”үзүүлбэрээр “МӨНГӨН АРСЛАН”цом хүртлээ.

ХБНГУ-н Кёльн хотын Хөгжим бүжгийн дээд сургуулийн Бүжгийн урлаг,бүжгийн найруулгын бакалаврын хөтөлбөрийн эрхлэгч профессор багш Вера Сандер болон ХБНГУ-д суугаа Монголын элч, Монгол улсын Консерваторийн ардын бүжиг ангийн төгсөгч Ц.Гэрлээ нарыг Монгол улсын Консерваторийн Уран сайхны удирдагч, зөвлөх профессор, МУУГЗ Ц.Пүрэвхүү, Бүжиг Циркийн мэргэжлийн сургуулийн захирал, дэд профессор, МУУГЗ Н.Оюун нар хүлээн авч уулзлаа.

“Korea International Ballet Competition XVI” Олон улсын балетийн уралдаан 2023 оны 06-р сарын 23-аас 25-ны хооронд болж БНСУ, Филипин, Норвеги, Украин, БНХАУ, Монгол зэрэг орны 240 орчим бүжигчид ур чадвараа сорин өрсөлдсөнөөс Монгол улсаас Монгол Улсын Консерваторийн БЦМСургуулийн 4 багш, 17 сурагчдын хамт амжилттай оролцоод ирлээ.

“Номадик балет” ОУ-ын балетын мэргэжлийн болон сонирхогчдын дунд зохион байгуулагддаг VII уралдаан 2023 оны 05 сарын 01, 02-ны өдрүүдэд амжилттай зохион байгуулагдаж өндөрлөв. Уралдаанд ОХУ, Япон, Хятад улсуудаас гадна Улаанбаатар хот, Орхон, Дархан, Дорнод, Сэлэнгэ аймгуудаас нийт 500 гаруй хүүхэд залуус оролцжээ.

Монгол Улсын Урлагийн гавьяат зүтгэлтэн, дэд профессор Н.Оюуны нэрэмжит бүжгийн “Миний тайз” III уралдаан 2023 оны 04-р сарын 03-с 14-ний хооронд амжилттай зохион байгуулагдаж өндөрлөв.

Монгол Улсын Консерваторийн Бүжиг Циркийн мэргэжлийн сургуулийн 11г, 11д ангиудын хамтарсан ОРЧИН ҮЕИЙН БҮЖИГ-ийн нээлттэй хичээлд та бүхнийг урьж байна.

ОХУ Буриад улсын нийслэл Улаан-Үд хотноо 2023.03.10-с 2023.03.12 хооронд зохион байгуулагдсан Л.Сахьянова, П.Абашеев нарын нэрэмжит Олон улсын бүжгийн III-р уралдаанд Монгол улсын Консерваторийн БЦМС-ийн захирал, МУУГЗ, дэд профессор Н.Оюун, Ардын бүжгийн тэнхимийн эрхлэгч А.Хосбаяр нар 13 сурагчдын хамтаар амжилттай оролцож ирлээ.

Сэтгэл судлалын ухааны магистр, МУИС-ийн докторант, ШУТИС.ДаТС-д багш, “Соёх-Эрэн” ТББ-н дэргэдэх МАНДАЛА төвийн сэтгэл зүйч Ж.Каламхас багш бүжгийн танхимын хүсэлтээр уригдан ирж, БЦМС-ийн 9, 10, 11, 12-р ангийн суралцагсдад зориулсан “Өсвөр насны сэтгэл зүйн онцлог” лекцийг тавилаа.

Нийт багш, ажилчид, оюутан, сурагч та бүхнийг МУК-ийн концертийн Б зааланд 2-р сарын 17-ны 12:00 ,13:00 цагт хүрэлцэн ирж БЦМС-ийн 8,10р ангийн сурагчдын уран бүтээлийг үзэхийг урьж байна.

Шинэ оны босгон дээр Төрийн дээд шагнал МУУГЗ цол хүртсэн БЦМС-н Циркийн тэнхимийн багш Хүндэт профессор У.Энхбаярыг Монгол улсын Консерваторийн захиргаа хүлээн авч хүндэтгэл үзүүллээ.