БАЯРЫН МЭДЭЭ Япон улсын Токио хотноо 2025 оны 12 сарын 26-28 өдрүүдэд суут хөгжмийн зохиолч С.Рахманиновын нэрэмжит олон улсын төгөлдөр хуурчдын VII уралдаан амжилттай зохион байгуулагдаж өндөрлөлөө.

Талархал Монголд байгаа нарийн мэргэжлийн хөгжимчид, уран бүтээлчдийг бэлтгэдэг цор ганц сургуульд суралцаж буй ирээдүйн төгөлдөр хуурчдыг давтах, хөгжих, бүтээх боломжийг бүрдүүлэхэд өөрсдийн үнэтэй хувь нэмрийг ирээдүй хойч үеийнхээ хөгжилд зарцуулсан “Энгүүн нүүдэл” ХХКомпанийн хамт олонд Монгол Улсын Консерватор болон Мэргэжлийн төгөлдөр хуурын тэнхимийн нийт багш, суралцагсдын зүгээс чин сэтгэлийн талархал илэрхийлье.

Баярын мэдээ: ОХУ-ын Москва хотноо зохион байгуулагдсан Олон улсын циркийн жүжигчдийн “Артист” тэмцээнд Монгол улсын Консерваторын Циркийн тэнхимийн 24 дахь төгсөлтийн Н.Энхболд багштай жүжигчид Монгол улсаа төлөөлөн оролцож анхны ХҮРЭЛ ЦОМ-г хүртлээ.

Баярын мэдээ: Улсын их баяр наадмийг тохиолдуулан Монгол улсын ерөнхийлөгчийн зарлигаар Монгол улсын Консерваторийн сонгодог бүжгийн тэнхимийн багш Ц.Мөнхдэлгэрийг “АЛТАН ГАДАС”одонгоор шагналаа.

МУУГЗ,дэд профессор Н.Оюун багшийн нэрэмжит “Миний тайз IV” уралдааны шүүгчээр уригдан ажилласан Монгол улсын Консерваторийн Сонгодог бүжгийн ангийн 2003 оны төгсөгч, Солонгос улсын “Элит” балет компанийг үүсгэн байгуулагч, балетын тэргүүн гоцлооч Ц.Цолмонбуд нь өөрийн нэрэмжит шагналыг дараахи сурагчдад гардуулан өглөө.

Монгол Улсын Консерваторийн БЦМС анх удаа бүжгийн нэгдсэн тайлан тоглолтоо та бүхэндээ толилуулах гэж байна. Ардын бүжгийн 49 дэх төгсөлт, Сонгодог бүжгийн шинэ мянганы 10 дахь төгсөлтийн “Арга билиг” тоглолт 2024.05.26-ны 17:00 цагт Соёлын төв өргөөнд болно. Та бүхнийг хүрэлцэн ирэхийг урьж байна.

ОХУ-н Пермь хотноо /2024.04.16-28/зохион байшуулагдаж буй Екатерина Максимовагийн нэрэмжит XVIII удаагийн “Арабеск” олон улсын балетын жүжигчдийн уралдаанд Монгол улсаа төлөөлөн МУГЖ, УБ театрын бүжиг дэглээч ,МУК-ийн багш Х.Гэрэлчимэг шүүгчээр, ДБЭТ-ийн гоцлол бүжигчин А.Эрдэнэболд /партнёр/, Б.Марал, Г.Нямцэрэн, Ц.Мөнгөншагай, О.Идэрбат нар, МУК-ийн 9в ангийн сурагч Ү.Анар, 11д ангийн сурагч Т.Нинжин, Л. Энхжин нар орлцож авъяас чадвараа сорьлоо. “Арабеск” ОУ-н “А” зэрэглэлийн уралдаанд МУК-с МУСТА Ц. Мөнхдэлгэр багштай 9в ангийн сурагч Үенгийн Анар Сонгодог бүжгийн жуньор ангилалд Алтан медаль, Орчин үеийн бүжигчний төрөлд /насны ангилал байхгүй/ Алтан медаль, Хэвлэл мэдээллийн шүүмжлэгч шүүгчдийн нэрэмжит “Диплом”, МУСТА С.Есөнзаяа багштай 11д ангийн сурагч Лхагвапүрэв овогтой Энхжин Сонгодог бүжгийн жуньор ангилалд Хүрэл медалиар шагнагдлаа. МУК-н төгсөгч ДБЭТ-н бүжигчин Ц.Мөнгөншагай дипломатаар шалгарлаа.

“ӨВЛӨН СУРАХ БҮЖГҮҮД” лекц-концерт Эрхэм хүндэт багш нар, бүжиг дэглээч, бүжиг судлаач, эцэг эх, асран хамгаалагч та бүхнийг Ардын бүжгийн тэнхимийн сурагчдын “Өвлөн сурах бүжгүүд” лекц-концертод хүрэлцэн ирэхийг урьж байна.

Олон улсын урлаг боловсролын ”Гэрэлт ертөнц” академийн тэргүүн Ч.Батгэрэлийн санаачилгаар 2024.03.24-нд Өмнөговь аймгийн Тамгын газар, Хүүхэд гэр бүлийн хөгжил хамгааллын газар, Соёл урлагийн газар, Монгол Улсын Консерваторитой хамтран “Цөмөөч ханхүү ба хулганы хаан” хүүхдийн балетыг хүүхэд багачуудад сонгодог урлагийн гайхамшгийг мэдрүүлэх, мэдлэг ойлголтыг нь дээшлүүлэх, тэдний хөгжил оролцоог нэмэгдүүлэх зорилгоор орон нутагт анх удаа амжилттай зохион байгууллаа.

Монгол Улсын Консерваторийн Бүжиг Циркийн мэргэжлийн сургуулийн захирал дэд профессор, МУУГЗ Н.Оюуны нэрэмжит “Миний тайз- IV” уралдаан 2024 оны 3-р сарын 11, 12-ны өдрүүдэд өргөн дэлгэр, үр өгөөжтэй, амжилттай болж өндөрлөлөө.