Энэ онд тохиож буй Оросын суут хөгжмийн зохиолч С.Рахманиновын мэндэлсний 150 жилийн ойн хүрээнд түүний амьдрал уран бүтээлийг харуулсан баримтат кино, фото зургийн үзэсгэлэнг гаргаж байсан бол 2023.11.02 өдөр Монгол улсын Филармони-д С.Рахманиновын алдартай бүтээлүүд болох төгөлдөр хуур симфони найрал хөгжимд зориулан бичсэн Хоёрдугаар Концерт оп 18, Паганинийн сэдвээр бичигдсэн Рапсоди-г Монгол улсын Консерваторийн төгсөгч, ОХУ-н Москва хотын Консерваторийн төгсөгч, МУК-н төгөлдөр хуурч багш Б.Цацрал, төгөлдөр хуурч Г.Анужин нар гоцлон хөгжимдөж, Монгол улсын Консерваторийн симфони найрал хөгжим удирдаач багш Э.Мөнхбаярын удирдлагаар эгшиглүүллээ.

Их хуур хөгжимчдийн олон улсын II уралдаан 2023 оны 10 сарын 26-ноос 10 сарын 31 -ны өдрүүдэд Их хуур хөгжимчдийн олон улсын II уралдаан МУК-ийн концeртын Б танхимд амжилттай зохион байгуулагдлаа. 2019 онд Анхдугаар уралдаан зохион байгуулагдсан бөгөөд энэ энэ жил II уралдаанаа олон улсын болгон зарлаж байна.

НҮБ-ын Хүүхдийн сангийн Монгол дахь суурин төлөөлөгч Эваристе Коуасси-Комлан 2023.11.02 өдөр Монгол улсын Консерваторид зочилж хамтын ажиллагааны талаар санал бодлоо солилцлоо.

БНХАУ-ын Учао хотноо хоёр жил тутам зохион байгуулагддаг олон улсын “А” зэрэглэлийн циркийн жүжигчдийн тэмцээн 2023.10.25-30 өдрүүдэд амжилттай болж өндөрлөлөө. Энэ удаагийн тэмцээнд Монгол улсын Консерваторийн Цирк ангийн төгсөгчдийн н.Амартүвшин ахлагчтай хамт олон болон бакалаврын IIIа курсийн оюутан Ц.Номин нар багийн төрөлд “Шидэх банз”үзүүлбэрээр “МӨНГӨН АРСЛАН”цом хүртлээ.

Монгол улсын Консерваторийн Цохивор хөгжмийн чуулга “Найруулга 2022-2023” шинэ уран бүтээлийн тоглолтоо Улсын Филармонийн танхимд 2023.11.01-нд ганцхан удаа толилуулах гэж байна. МУК-ийн Цохивор хөгжмийн чуулгаас зохион байгуулж байгаа шинэ уран бүтээлийн тоглолт нь Тайванийн шилдэг маримба артист, профессор, хөгжмийн ухааны доктор Вэйчен Лин, “Тайпеийн иргэний симфони оркестр”- ын цохивор хөгжимчин Нэйтэн Пиаццан нарыг урин хамтран хөгжимдөж байгаагаар онцлог билээ.

Их хуур хөгжимчдийн олон улсын II уралдаан 2023 он 10-р сарын 26 наас 11-р сарын 1 ний өдрүүдэд Монгол улсын Консeрваторийн Концeртын В танхимд болно. Та бүхэн хүрэлцэн ирж таалан соёрхоно уу.

2023 оны 10 сарын 2 ноос 10 ны өдрүүдэд Монгол улсын Консерваторийн Үндэсний хөгжмийн найралын анхны удирдаач, хамтлаг цөөхүүл, төрөлжсөн чуулга, найралын сургалтыг үндэслэгч Д.Дарьзавын нэрэмжит “Цэнгэлийн эгшиг” хамтлаг цөөхүүл төрөлжсөн чуулгын болон шинэ хөгжмийн бүтээлийн улсын анхдугаар уралдаан, эрдэм шинжилгээний хурал зохион байгуулагдаж өнгөрлөө. Уралдааныг МУК. Д. Дарьзав сан, гэр бүл хамтран зохион байгуулсан юм. Түүний гэр бүл, үр хүүхэд, охин МУК-ийн ахмад багш Д. Жаргал багшийн нөр их хөдөлмөр зүтгэлийн үр хүч, тусламж дэмжлэг, ивээн тэтгэгчээр ажилласаны үр дүнд энэхүү уралдаан зохион байгуулагдлаа.

“Боловсролын үнэлгээ 20 жил” Олон улсын онол практикийн бага хурал 2023.10.13 өдөр зохион байгуулагдлаа. Тус үйл ажиллагаанд оролцсон БСШУ яам болон гадаад дотоодын төлөөлөгчдөд Монгол улсын Консерваторийн багш,сурагчид уран бүтээлийн тоглолтоо толилууллаа.

Хараагүйчүүдийн эрхийг хамгаалах “Дэлхийн цагаан таягт”-ны өдрийг тохиолдуулан харааны бэрхшээлтэй хүүхдүүдэд ерөнхий боловсрол олгодог тусгай сургуулийн сурагчдад Монгол улсын Консерваторийн 12в ангийн Үндэсний хөгжим, үлээвэр хөгжим ангийн сурагчид урлагийн тоглолтоо толилуулж, хөгжмийн боловсролын талаар богино хэмжээний ярилцлага хийлээ. Монголын ирээдүй болсон тусгай сургуулийн сурагчиддаа эрүүл энх, сайн сайхан бүхнийг хүсье.

ОХУ-ын Ставрополь, Железноводск хотноо зохион байгуулагдсан “Ставрополийн хөгжмийн намар-54” Олон улсын хөгжмийн фестивальд Үндэсний хөгжмийн мэргэжлийн сургуулийн багш нарын хамтлаг амжилттай оролцлоо.