Монгол улсын Консерваторийн Цохивор хөгжмийн чуулга “Найруулга 2022-2023” шинэ уран бүтээлийн тоглолтоо Улсын Филармонийн танхимд 2023.11.01-нд ганцхан удаа толилуулах гэж байна. МУК-ийн Цохивор хөгжмийн чуулгаас зохион байгуулж байгаа шинэ уран бүтээлийн тоглолт нь Тайванийн шилдэг маримба артист, профессор, хөгжмийн ухааны доктор Вэйчен Лин, “Тайпеийн иргэний симфони оркестр”- ын цохивор хөгжимчин Нэйтэн Пиаццан нарыг урин хамтран хөгжимдөж байгаагаар онцлог билээ.

Их хуур хөгжимчдийн олон улсын II уралдаан 2023 он 10-р сарын 26 наас 11-р сарын 1 ний өдрүүдэд Монгол улсын Консeрваторийн Концeртын В танхимд болно. Та бүхэн хүрэлцэн ирж таалан соёрхоно уу.

Ц.Мягмарцэрэн багшийн удирдсан шилдэг залуу төгөлдөр хуурчдын “Сонгодог хэлхээ” тоглолт 2023 оны 10 сарын 24-нд болно. Сонгодог хөгжим, төгөлдөр хуурын урлагт дуртай хэн бүхнийг хүрэлцэн ирэхийг урьж байна.

2023 оны 10 сарын 2 ноос 10 ны өдрүүдэд Монгол улсын Консерваторийн Үндэсний хөгжмийн найралын анхны удирдаач, хамтлаг цөөхүүл, төрөлжсөн чуулга, найралын сургалтыг үндэслэгч Д.Дарьзавын нэрэмжит “Цэнгэлийн эгшиг” хамтлаг цөөхүүл төрөлжсөн чуулгын болон шинэ хөгжмийн бүтээлийн улсын анхдугаар уралдаан, эрдэм шинжилгээний хурал зохион байгуулагдаж өнгөрлөө. Уралдааныг МУК. Д. Дарьзав сан, гэр бүл хамтран зохион байгуулсан юм. Түүний гэр бүл, үр хүүхэд, охин МУК-ийн ахмад багш Д. Жаргал багшийн нөр их хөдөлмөр зүтгэлийн үр хүч, тусламж дэмжлэг, ивээн тэтгэгчээр ажилласаны үр дүнд энэхүү уралдаан зохион байгуулагдлаа.

МУАЖ А.Энхтайваны нэрэмжит мэргэжлийн дуучдын олон улсын анхдугаар уралдааны хүрээнд болох “А.ЭНХТАЙВАН-МЭРГЭЖЛИЙН ДУУЧДЫН ДУУЛАХ УРЛАГ” Эрдэм шинжилгээний хуралд та бүхнийг оролцохыг урьж байна.

“Боловсролын үнэлгээ 20 жил” Олон улсын онол практикийн бага хурал 2023.10.13 өдөр зохион байгуулагдлаа. Тус үйл ажиллагаанд оролцсон БСШУ яам болон гадаад дотоодын төлөөлөгчдөд Монгол улсын Консерваторийн багш,сурагчид уран бүтээлийн тоглолтоо толилууллаа.

Хараагүйчүүдийн эрхийг хамгаалах “Дэлхийн цагаан таягт”-ны өдрийг тохиолдуулан харааны бэрхшээлтэй хүүхдүүдэд ерөнхий боловсрол олгодог тусгай сургуулийн сурагчдад Монгол улсын Консерваторийн 12в ангийн Үндэсний хөгжим, үлээвэр хөгжим ангийн сурагчид урлагийн тоглолтоо толилуулж, хөгжмийн боловсролын талаар богино хэмжээний ярилцлага хийлээ. Монголын ирээдүй болсон тусгай сургуулийн сурагчиддаа эрүүл энх, сайн сайхан бүхнийг хүсье.

ОХУ-ын Ставрополь, Железноводск хотноо зохион байгуулагдсан “Ставрополийн хөгжмийн намар-54” Олон улсын хөгжмийн фестивальд Үндэсний хөгжмийн мэргэжлийн сургуулийн багш нарын хамтлаг амжилттай оролцлоо.

Оросын суут хөгжмийн зохиолч С.Рахманинов 150 жилийн ойн хүрээнд Монгол улсын Консерваторийн Төгөлдөр хуур хөгжмийн багш Б.Цацрал, төгсөгч Г.Анужин нарын хамтарсан тоглолтонд та бүхнийг урьж байна. Тоглолтонд Монгол улсын Консерваторийн Симфони найрал хөгжим оролцох болно.

Монгол дахь Францын ЭСЯ-ны дэмжлэгтэйгээр Улаанбаатар хотын Монгол Франц төвөөс Францын “Облик” циркийн уран бүтээлчид болох Мари Меркадал, Гийом Батиста нарыг Монгол улсад урьж авчирлаа. Эдгээр уран бүтээлчид олон улсын хамтын ажиллагааг дэмжих хөтөлбөрийн хүрээнд 2023.10.02-06 өдрүүдэд Монгол улсын Консерваторийн Бүжиг циркийн мэргэжлийн сургуулийн Циркийн тэнхимийн ахлах дунд ангийн оюутан сурагчидтай хамтарсан сургалтыг явуулж уран бүтээлчдийн харилцан туршлага солилцлоо юм.