“ГОНЧИГДАМБЫН ДАРАМЗАГДЫН НАМТАР, БҮТЭЭЛИЙН ӨВ СУДЛАЛ” ЭРДЭМ ШИНЖИЛГЭЭНИЙ ХУРАЛ Монголын хөгжмийн зохиолч, найрал дууны удирдаач Гончигдамбын Дарамзагдын намтар, уран бүтээлийн өв, Монголын хөгжмийн урлагт оруулсан хувь нэмрийг судлан сурталчлах, түгээн дэлгэрүүлэх зорилгоор энэхүү эрдэм шинжилгээний онол-практикийн бага хурлыг Монгол Улсын Консерватор, Г.Дарамзагд урлагийн сан хамтран 2025 оны 11 дүгээр сарын 14-ний өдөр Консерваторын Номын санд амжилттай зохион байгууллаа.

БОЛОВСРОЛЫН ШИНЭЧЛЭЛД ЭЦЭГ ЭХИЙН ОРОЛЦОО сэдэвт МУК-ын ЕЭТ нийт багш нарын Эрдэм шинжилгээний хурал Монгол Улсын Консерваторын Ерөнхий эрдмийн багш нарын эрдэм шинжилгээний хурал 2025 оны 11 дүгээр сарын 12-ны өдөр амжилттай зохион байгуулагдлаа. Хурал нь “Боловсролын шинэчлэлд эцэг эхийн оролцоо” сэдвийн хүрээнд болж, ерөнхий эрдмийн тэнхимийн нийт багш нар оролцон илтгэлээ хэлэлцүүлэв.

“Боловсролын шинэчлэлд эцэг эхийн оролцоо” Монгол Улсын Консерваторын Ерөнхий эрдмийн тэнхимийн нийт багш нарын эрдэм шинжилгээний хурал 2025.11.12-ны өдөр 12.30 цагт МУК-ын Номын санд болно. 

Монголын нэрт хөгжмийн зохиолч, Найрал дууны удирдаач ГОНЧИГДАМБЫН ДАРАМЗАГД-ын намтар, бүтээлийн өв судлал эрдэм шинжилгээний хуралд та бүхнийг хүрэлцэн ирэхийг урьж байна. 2025.11.14-нд 11:00 цагаас Монгол Улсын Консерваторын Номын санд болно. ЭШИА

“МОНГОЛЫН СОНГОДОГ БҮЖГИЙН УРЛАГ-Т.ТУУЛ” ЭРДЭМ ШИНЖИЛГЭЭНИЙ ХУРАЛ Монгол Улсын Консерваторын Сонгодог бүжгийн тэнхимийн ахмад багш, Монгол Улсын Гавьяат жүжигчин, профессор Түндэврэгзэнгийн Туул багшийн 80 насны ойд зориулсан “Монголын сонгодог бүжгийн урлаг – Т.Туул” сэдэвт эрдэм шинжилгээний хурлыг Монгол Улсын Консерваторын Эрдэм шинжилгээ, инновацийн алба болон Сонгодог бүжгийн тэнхим хамтран 2025 оны 11 дүгээр сарын 7-ны өдөр Консерваторын Концертын их танхимд амжилттай зохион байгууллаа.

Монгол Улсын Консерваторын ахмад багш, алдарт, гавьяат жүжигчин Л.Цэрэндоржийн “Галбингаан яруу дуун” номын нээлтэнд хүрэлцэн ирэхийг урьж байна.

МУГЖ, Монгол Улсын Консерваторын профессор Т.Туулын 80 насны ойд зориулсан эрдэм шинжилгээний онол практикийн бага хуралд эрдэмтэн багш, оюутан сурагчид та бүхнийг хүрэлцэн ирэхийг урьж байна.

Монгол Улсын Урлагийн Гавьяат зүтгэлтэн, Шинжлэх ухааны доктор /Sc.D/, профессор Л.Эрдэнэчимэгийн Цай Вэнжи гүнжийн “Нүүдэлчдийн цуурын 18 аялгуу” судалгааны бүтээлийн нээлт 2025.10.08-ны 14:00 цагт Монгол Улсын Консерваторын Номын санд амжилттай болж өндөрлөлөө.

Олон улсын болон дотоодын ижил төст сургууль, судалгааны хүрээлэнгийн эрдэмтэн багш, судлаач, оюутны эрдэм шинжилгээ, судалгааны бүтээлийг нийтэд таниулах, дэмжих, бүтээлч сэтгэлгээг хөгжүүлэх, багш оюутны хамтын ажиллагааг өргөжүүлэх, онол практикийн мэдлэгийн уялдаа холбоог сайжруулах, академик хөгжмийн салбар дахь үлээвэр, цохивор хөгжмийн бүтээлийн талаарх мэдлэгийг гүнзгийрүүлэх, мэргэжлийн сургалтын арга барилыг шинэчлэх, бүтээлч туршлага солилцох нөхцлийг бий болгох зорилгоор хоёр дахь удаагаа Монгол Улсын Консерватор, ҮБХИС Цэргийн Хөгжмийн Политехник Коллеж хамтран ТОГТВОРТОЙ ХӨГЖИЛ: МОНГОЛ ДАХЬ ҮЛЭЭВЭР, ЦОХИВОР ХӨГЖМИЙН СУРГАЛТ-2025 эрдэм шинжилгээний хурлыг зохион байгуулж амжилттай болж өндөрлөлөө.

МОРИН ХУУРЫН ҮҮСЭЛ, ХӨГЖИЛ, ӨВ СОЁЛ ЭРДЭМ ШИНЖИЛГЭЭНИЙ ХУРАЛ Монгол Улсын Ерөнхийлөгчийн ивээл дор “МОРИН ХУУРЫН ҮҮСЭЛ, ХӨГЖИЛ, ӨВ СОЁЛ” сэдэвт эрдэм шинжилгээний хурлыг Ерөнхийлөгчийн тамгын газар, ССАЖЗЯам, Шинжлэх ухааны академи, МУИС, МУК, СУИС, МХХОУДС-с хамтран 2025 оны 03 сарын 25-ны өдөр Төрийн ордны “Их Эзэн Чингис хаан” танхимд зохион байгуулж тус хуралд МУИС, МУК, СУИС, МХХОУДС, БНХАУ-ын ӨМӨЗО-ы судлаач эрдэмтэн багш нар илтгэлээ амжилттай хэлэлцүүллээ.