Монгол улсын Консерваторийн Цохивор хөгжмийн чуулга “Найруулга 2022-2023” шинэ уран бүтээлийн тоглолтоо Улсын Филармонийн танхимд 2023.11.01-нд ганцхан удаа толилуулах гэж байна. МУК-ийн Цохивор хөгжмийн чуулгаас зохион байгуулж байгаа шинэ уран бүтээлийн тоглолт нь Тайванийн шилдэг маримба артист, профессор, хөгжмийн ухааны доктор Вэйчен Лин, “Тайпеийн иргэний симфони оркестр”- ын цохивор хөгжимчин Нэйтэн Пиаццан нарыг урин хамтран хөгжимдөж байгаагаар онцлог билээ.

2023 оны 10 сарын 2 ноос 10 ны өдрүүдэд Монгол улсын Консерваторийн Үндэсний хөгжмийн найралын анхны удирдаач, хамтлаг цөөхүүл, төрөлжсөн чуулга, найралын сургалтыг үндэслэгч Д.Дарьзавын нэрэмжит “Цэнгэлийн эгшиг” хамтлаг цөөхүүл төрөлжсөн чуулгын болон шинэ хөгжмийн бүтээлийн улсын анхдугаар уралдаан, эрдэм шинжилгээний хурал зохион байгуулагдаж өнгөрлөө. Уралдааныг МУК. Д. Дарьзав сан, гэр бүл хамтран зохион байгуулсан юм. Түүний гэр бүл, үр хүүхэд, охин МУК-ийн ахмад багш Д. Жаргал багшийн нөр их хөдөлмөр зүтгэлийн үр хүч, тусламж дэмжлэг, ивээн тэтгэгчээр ажилласаны үр дүнд энэхүү уралдаан зохион байгуулагдлаа.

МУАЖ А.Энхтайваны нэрэмжит мэргэжлийн дуучдын олон улсын анхдугаар уралдааны хүрээнд болох “А.ЭНХТАЙВАН-МЭРГЭЖЛИЙН ДУУЧДЫН ДУУЛАХ УРЛАГ” Эрдэм шинжилгээний хуралд та бүхнийг оролцохыг урьж байна.

“Боловсролын үнэлгээ 20 жил” Олон улсын онол практикийн бага хурал 2023.10.13 өдөр зохион байгуулагдлаа. Тус үйл ажиллагаанд оролцсон БСШУ яам болон гадаад дотоодын төлөөлөгчдөд Монгол улсын Консерваторийн багш,сурагчид уран бүтээлийн тоглолтоо толилууллаа.

Агваанцэрэнгийн Энхтайваны нэрэмжит Мэргэжлийн дуучдын олон улсын анхдугаар уралдаан 2023.10.23-2023.10.27-ны өдрүүдэд явагдах гэж байна. Та бүхнийг оролцохыг урьж байна.

Монгол улсын Консерваторийн ахмад багш,Үндэсний хөгжмийн найрал болон хамтлаг цөөхүүл,төрөлжсөн чуулгын сургалтыг үндэслэгч Д.Дарьзавын нэрэмжит “Цэнгэлийн эгшиг” улсын анхдугаар уралдааны Нээлт болон Эрдэм шинжилгээний хурал 2023.10.02 өдөр Концертын Б танхимд зохион байгуулагдлаа.

ӨСВӨРИЙН МЭРГЭЖЛИЙН МОРИН ХУУРЧДЫН ОЛОН УЛСЫН III УРАЛДААНЫ БҮРТГЭЛ ЭХЭЛЛЭЭ.

Манай сургуулийн мэргэжлийн төгөлдөр хуурын багш Сампилноровын Одгэрэл өөрийн ганцаарчилсан тайлан тоглолтоо энэ пүрэв гарагт тоглохоор бэлдээд байна. Та бүхэнд тоглолтын тухай танилцуулахад ODGEREL’S Solo Recital тоглолт 2 хэсгээс бүрдэж байгаа ба тоглолтын эхний хэсэгт Латин Америк, Аргентин хөгжмийн зохиолчдын бүтээлүүдээс Монголд анх удаа тоглогдох бол удаах хэсэгт Монголын нэрт хөгжмийн зохиолчдын, тэр дундаа сүүлийн үеийн мэргэжлийн хөгжмийн зохиолчдын тоглогдож байгаагүй зохиол бүтээлүүд эгшиглэгдэхээрээ онцлог юм.

ТАЛАРХАЛ. Монгол улсын Консерваторийн Флейта хөгжмийн 2003 оны төгсөгч, хөгжимчин Г.Энхчимэг ХБНГУ-ын Мюнхен хотоос өөрийн төрөлх сургууль Монгол улсын Консерваторийн Номын санд сургалтын үйл ажиллагаанд ашиглагдах 66 ширхэг ном, нот СD, DVD, Цохивор хөгжмийн чуулгын сургалтанд хэрэглэгдэх 15 ширхэг шинэ эвхэгддэг нотны тавиурыг илгээсэн байна.

Хөгжлийн бэрхшээлтэй хүний хөгжлийн ерөнхий газар,Чойжин ламын сүм музей хамтран зохион байгуулж буй “Музейн тэгш хүртээмжтэй үйлчилгээ, Хөгжлийн бэрхшээлтэй хүүхдүүдэд” өдөрлөг 2023.09.21 өдөр Чойжин ламын сүм музейд зохион байгуулагдаж, Монгол улсын Консерваторийн оюутан сурагчид нийгмийн хариуцлагын хүрээнд урлагийн тоглолтоо өргөн барьлаа.