“ШИНЭ САНАА, ШИЛДЭГ ИЛТГЭЛ 2025-ДИЖИТАЛ ЭРИН, ХИЙМЭЛ ОЮУН БА УРЛАГИЙН СУДАЛГААНЫ ШИНЖ ХАНДЛАГА” Монголын их дээд сургуулийн ахисан түвшний суралцагчдын дунд зохион байгуулагдсан эрдэм шинжилгээний хурал 2025 оны 11 дүгээр сарын 14-ний өдөр Монгол Улсын Консерватор, МНШУА –ийн ОУК хамтран ахисан түвшний суралцагчдын дунд зохион байгуулсан “ШИНЭ САНАА, ШИЛДЭГ ИЛТГЭЛ 2025-ДИЖИТАЛ ЭРИН, ХИЙМЭЛ ОЮУН БА УРЛАГИЙН СУДАЛГААНЫ ШИНЖ ХАНДЛАГА” сэдэвт эрдэм шинжилгээний хурал амжилттай болж өндөрлөлөө.

Монгол Улсын Консерваторын Оюутны Симфони Оркестрийн “Мөнгөн Өвөл” Фестивалийн 10 жилийн ойн хүндэтгэлийн тоглолтод хүрэлцэн ирэхийг урьж байна!

“ГОНЧИГДАМБЫН ДАРАМЗАГДЫН НАМТАР, БҮТЭЭЛИЙН ӨВ СУДЛАЛ” ЭРДЭМ ШИНЖИЛГЭЭНИЙ ХУРАЛ Монголын хөгжмийн зохиолч, найрал дууны удирдаач Гончигдамбын Дарамзагдын намтар, уран бүтээлийн өв, Монголын хөгжмийн урлагт оруулсан хувь нэмрийг судлан сурталчлах, түгээн дэлгэрүүлэх зорилгоор энэхүү эрдэм шинжилгээний онол-практикийн бага хурлыг Монгол Улсын Консерватор, Г.Дарамзагд урлагийн сан хамтран 2025 оны 11 дүгээр сарын 14-ний өдөр Консерваторын Номын санд амжилттай зохион байгууллаа.

БОЛОВСРОЛЫН ШИНЭЧЛЭЛД ЭЦЭГ ЭХИЙН ОРОЛЦОО сэдэвт МУК-ын ЕЭТ нийт багш нарын Эрдэм шинжилгээний хурал Монгол Улсын Консерваторын Ерөнхий эрдмийн багш нарын эрдэм шинжилгээний хурал 2025 оны 11 дүгээр сарын 12-ны өдөр амжилттай зохион байгуулагдлаа. Хурал нь “Боловсролын шинэчлэлд эцэг эхийн оролцоо” сэдвийн хүрээнд болж, ерөнхий эрдмийн тэнхимийн нийт багш нар оролцон илтгэлээ хэлэлцүүлэв.

ТАЛАРХАЛ Бүгд Найрамдах Солонгос Улсын Кёнги академи нь Монгол Улсын Консерватортой хамтын ажиллагааны хүрээнд Захирал Сон Юль-ийн нэрийн өмнөөс талархал илэрхийлсэн байна.

Төрийн соёрхолт, Ардын жүжигчин, Нэрт хөгжмийн зохиолч Сэмбийн Гончигсумлаагийн 110 жилийн ойд зориулсан хүндэтгэлийн тоглолтод та бүхнийг урьж байна.

Америкийн Нэгдсэн Улсын IBLA сангаас зохион байгуулдаг Барток-Кабалевский-Прокофьевын нэрэмжит олон улсын төгөлдөр хуурчдын уралдаанд оролцож, амжилт гаргасан уран бүтээлчдийг Соёл, спорт, аялал жуулчлал, залуучуудын сайд Ч.Ундрам хүлээн авч, баяр хүргэлээ. Тус уралдаан нь 2025 оны 7 дугаар сарын 07-11-ний өдрүүдэд зохион байгуулагдсан ба ганцаарчилсан төрөлд төгөлдөр хуурч М.Заяа нэгдүгээр байр, Монгол Улсын Консерваторын Сонгодог хөгжмийн мэргэжлийн багш, төгөлдөр хуурч Б.Ариунаа хоёрдугаар байрт шалгарсан байна.

Монгол Улсын Дээд боловсролын сургалтын байгууллагын Багшийн хөгжлийн төвүүд үйл ажиллагааны туршлага хуваалцаж, харилцан суралцах зорилготой “Дээд боловсролын сургалтын байгууллагын багшийн хөгжлийн төвүүдийн өнөөгийн нөхцөл, цаашдын чиг хандлага – 2025” сэдэвт үндэсний туршлага солилцох уулзалт, хэлэлцүүлгийг Боловсролын яам, Боловсролын ерөнхий газар, Отгонтэнгэр их сургууль, Хөдөө аж ахуйн их сургууль, Үндэсний Батлан хамгаалахын их сургууль, Монгол Улсын Консерватор хамтран 10 дугаар сарын 29-ний өдөр зохион байгууллаа.

Монгол Улсын Консерваторын цохивор хөгжмийн чуулгын 18 дахь удаагийн “Найруулга” тоглолтдоо урьж байна.