Монгол улсын консерваторын профессор Л.Баасанхүү багш Монгол Улсын Урлагийн Гавьяат зүтгэлтэн цол хүртлээ. Консерваторын багш, удирдлагууд хүлээн авч, хүндэтгэл үзүүлэв.

Мөнгөн хонхны баяр-2025

Эрхэм хүндэт эрдэмтэн багш нар, зочид, ажилтан, албан хаагчид, эцэг эхчүүд, оюутан сурагчид та бүхнийг Монгол улсын Консерваторын мэргэжлийн болон техникийн боловсролын төгсөгчдийн Мөнгөн хонхны баярт хүрэлцэн ирэхийг урьж байна.

Талархал Алдарт лимбэч,нэрт сурган хүмүүжүүлэгч Должингийн ЭНХТАЙВАН багшийн мэндэлсний 70 жилийн ойд зориулсан Япон-Монголын уран бүтээлчдийн Багшдаа… хүндэтгэлийн тоглолтын хүрээнд Япон дахь Монголын уламжлалт урлагийн холбооноос Үндэсний найрал хөгжмийн оюутан сурагчдын тав тухтай суралцах нөхцөлийг сайжруулахаар 100ш сандал,65ш нотны тавиур,2ш удирдаачийн тавиурыг сургуулийн захиргаанд хүлээлгэн өглөө.

АЙЛЧЛАЛ Бүгд найрамдах Австри улсын Ерөнхийлөгч Александр Ван дер Беллены Монгол улсад хийж буй айлчлалын хүрээнд Монгол улсын Консерватор Австри улсын Венийн Хөгжим театр урлагийн их сургууль хооронд хамтын ажиллагааны гэрээ байгуулж гэрээнд захирал хатагтай Улрике Зих ноён Ц.Шаравцэрэн нар гарын үсэг зурлаа.

Төгсөлтийн баяр: Монгол улсын Консерваторын Бакалаврын диплом гардуулах ёслол, төгсөлтийн баярын үйл ажиллагаа 2025 оны 05-р сарын 1-ний өдөр зохион байгуулагдаж бакалаврын 22 оюутан диплом, энгэрийн тэмдгээ гардан авлаа.

Олон улсын болон дотоодын ижил төст сургууль, судалгааны хүрээлэнгийн эрдэмтэн багш, судлаач, оюутны эрдэм шинжилгээ, судалгааны бүтээлийг нийтэд таниулах, дэмжих, бүтээлч сэтгэлгээг хөгжүүлэх, багш оюутны хамтын ажиллагааг өргөжүүлэх, онол практикийн мэдлэгийн уялдаа холбоог сайжруулах, академик хөгжмийн салбар дахь үлээвэр, цохивор хөгжмийн бүтээлийн талаарх мэдлэгийг гүнзгийрүүлэх, мэргэжлийн сургалтын арга барилыг шинэчлэх, бүтээлч туршлага солилцох нөхцлийг бий болгох зорилгоор хоёр дахь удаагаа Монгол Улсын Консерватор, ҮБХИС Цэргийн Хөгжмийн Политехник Коллеж хамтран ТОГТВОРТОЙ ХӨГЖИЛ: МОНГОЛ ДАХЬ ҮЛЭЭВЭР, ЦОХИВОР ХӨГЖМИЙН СУРГАЛТ-2025 эрдэм шинжилгээний хурлыг зохион байгуулж амжилттай болж өндөрлөлөө.

Өсвөрийн үлээвэр, цохивор хөгжимчдийн улсын хоёрдугаар уралдаан 2025.04.21-04.29-ний хооронд зохион байгуулагдана.

WORKSHOP AND STUDENT BAND CONCERT Монгол Улсын Консерваторын Жазз хөгжмийн ангид ХБНГУ-н Hochschule Für Musik und Theater München-ээс хүндэт профессор David Klüglich нь зочин багшаар 1 сарын хугацаатай ажиллаж байгаа бөгөөд жазз хөгжим сонирхогч багш, оюутан сурагчдадаа зориулж нээлттэй тоглолт болно.

МОРИН ХУУРЫН ҮҮСЭЛ, ХӨГЖИЛ, ӨВ СОЁЛ ЭРДЭМ ШИНЖИЛГЭЭНИЙ ХУРАЛ Монгол Улсын Ерөнхийлөгчийн ивээл дор “МОРИН ХУУРЫН ҮҮСЭЛ, ХӨГЖИЛ, ӨВ СОЁЛ” сэдэвт эрдэм шинжилгээний хурлыг Ерөнхийлөгчийн тамгын газар, ССАЖЗЯам, Шинжлэх ухааны академи, МУИС, МУК, СУИС, МХХОУДС-с хамтран 2025 оны 03 сарын 25-ны өдөр Төрийн ордны “Их Эзэн Чингис хаан” танхимд зохион байгуулж тус хуралд МУИС, МУК, СУИС, МХХОУДС, БНХАУ-ын ӨМӨЗО-ы судлаач эрдэмтэн багш нар илтгэлээ амжилттай хэлэлцүүллээ.