“Сэмбийн ГОНЧИГСУМЛАА-110” Хүндэтгэлийн тоглолт Монгол улсын Консерватор Мэргэжлийн төгөлдөр хуурын тэнхим-I суут хөгжмийн зохиолч Сэмбийн Гончигсумлаа мэндэлсний 110 жилийн ойд зориулж түүний дуу,хөгжмийн бүтээлүүдээс дээжилсэн хүндэтгэлийн тоглолтыг 2025 оны 11 сарын 18 өдөр Монгол улсын Консерваторын Концертын их танхимд зохион байгууллаа.

“ШИНЭ САНАА, ШИЛДЭГ ИЛТГЭЛ 2025-ДИЖИТАЛ ЭРИН, ХИЙМЭЛ ОЮУН БА УРЛАГИЙН СУДАЛГААНЫ ШИНЖ ХАНДЛАГА” Монголын их дээд сургуулийн ахисан түвшний суралцагчдын дунд зохион байгуулагдсан эрдэм шинжилгээний хурал 2025 оны 11 дүгээр сарын 14-ний өдөр Монгол Улсын Консерватор, МНШУА –ийн ОУК хамтран ахисан түвшний суралцагчдын дунд зохион байгуулсан “ШИНЭ САНАА, ШИЛДЭГ ИЛТГЭЛ 2025-ДИЖИТАЛ ЭРИН, ХИЙМЭЛ ОЮУН БА УРЛАГИЙН СУДАЛГААНЫ ШИНЖ ХАНДЛАГА” сэдэвт эрдэм шинжилгээний хурал амжилттай болж өндөрлөлөө.

“ГОНЧИГДАМБЫН ДАРАМЗАГДЫН НАМТАР, БҮТЭЭЛИЙН ӨВ СУДЛАЛ” ЭРДЭМ ШИНЖИЛГЭЭНИЙ ХУРАЛ Монголын хөгжмийн зохиолч, найрал дууны удирдаач Гончигдамбын Дарамзагдын намтар, уран бүтээлийн өв, Монголын хөгжмийн урлагт оруулсан хувь нэмрийг судлан сурталчлах, түгээн дэлгэрүүлэх зорилгоор энэхүү эрдэм шинжилгээний онол-практикийн бага хурлыг Монгол Улсын Консерватор, Г.Дарамзагд урлагийн сан хамтран 2025 оны 11 дүгээр сарын 14-ний өдөр Консерваторын Номын санд амжилттай зохион байгууллаа.

БОЛОВСРОЛЫН ШИНЭЧЛЭЛД ЭЦЭГ ЭХИЙН ОРОЛЦОО сэдэвт МУК-ын ЕЭТ нийт багш нарын Эрдэм шинжилгээний хурал Монгол Улсын Консерваторын Ерөнхий эрдмийн багш нарын эрдэм шинжилгээний хурал 2025 оны 11 дүгээр сарын 12-ны өдөр амжилттай зохион байгуулагдлаа. Хурал нь “Боловсролын шинэчлэлд эцэг эхийн оролцоо” сэдвийн хүрээнд болж, ерөнхий эрдмийн тэнхимийн нийт багш нар оролцон илтгэлээ хэлэлцүүлэв.

ТАЛАРХАЛ Бүгд Найрамдах Солонгос Улсын Кёнги академи нь Монгол Улсын Консерватортой хамтын ажиллагааны хүрээнд Захирал Сон Юль-ийн нэрийн өмнөөс талархал илэрхийлсэн байна.

Монголын нэрт хөгжмийн зохиолч, Найрал дууны удирдаач ГОНЧИГДАМБЫН ДАРАМЗАГД-ын намтар, бүтээлийн өв судлал эрдэм шинжилгээний хуралд та бүхнийг хүрэлцэн ирэхийг урьж байна. 2025.11.14-нд 11:00 цагаас Монгол Улсын Консерваторын Номын санд болно. ЭШИА

“МОНГОЛЫН СОНГОДОГ БҮЖГИЙН УРЛАГ-Т.ТУУЛ” ЭРДЭМ ШИНЖИЛГЭЭНИЙ ХУРАЛ Монгол Улсын Консерваторын Сонгодог бүжгийн тэнхимийн ахмад багш, Монгол Улсын Гавьяат жүжигчин, профессор Түндэврэгзэнгийн Туул багшийн 80 насны ойд зориулсан “Монголын сонгодог бүжгийн урлаг – Т.Туул” сэдэвт эрдэм шинжилгээний хурлыг Монгол Улсын Консерваторын Эрдэм шинжилгээ, инновацийн алба болон Сонгодог бүжгийн тэнхим хамтран 2025 оны 11 дүгээр сарын 7-ны өдөр Консерваторын Концертын их танхимд амжилттай зохион байгууллаа.

Америкийн Нэгдсэн Улсын IBLA сангаас зохион байгуулдаг Барток-Кабалевский-Прокофьевын нэрэмжит олон улсын төгөлдөр хуурчдын уралдаанд оролцож, амжилт гаргасан уран бүтээлчдийг Соёл, спорт, аялал жуулчлал, залуучуудын сайд Ч.Ундрам хүлээн авч, баяр хүргэлээ. Тус уралдаан нь 2025 оны 7 дугаар сарын 07-11-ний өдрүүдэд зохион байгуулагдсан ба ганцаарчилсан төрөлд төгөлдөр хуурч М.Заяа нэгдүгээр байр, Монгол Улсын Консерваторын Сонгодог хөгжмийн мэргэжлийн багш, төгөлдөр хуурч Б.Ариунаа хоёрдугаар байрт шалгарсан байна.

Монгол Улсын Дээд боловсролын сургалтын байгууллагын Багшийн хөгжлийн төвүүд үйл ажиллагааны туршлага хуваалцаж, харилцан суралцах зорилготой “Дээд боловсролын сургалтын байгууллагын багшийн хөгжлийн төвүүдийн өнөөгийн нөхцөл, цаашдын чиг хандлага – 2025” сэдэвт үндэсний туршлага солилцох уулзалт, хэлэлцүүлгийг Боловсролын яам, Боловсролын ерөнхий газар, Отгонтэнгэр их сургууль, Хөдөө аж ахуйн их сургууль, Үндэсний Батлан хамгаалахын их сургууль, Монгол Улсын Консерватор хамтран 10 дугаар сарын 29-ний өдөр зохион байгууллаа.

Нэрт хөгжмийн зохиолч, найрал дууны удирдаач Г.Дарамзагд агсны 95 жилийн ойд зориулсан Олон улсын мэргэжлийн дуучдын уралдаан ирэх 11 дүгээр сард Улаанбаатар хотноо болох гэж байна.