Турк улсын Хамтын ажиллагаа, зохицуулах агентлаг (Тика)-ийн удирдлагууд 2025 оны 10 сарын 13 өдөр Монгол Улсын Консерваторт хэрэгжүүлж буй “Уран бүтээлийн лаборатори”төслийн хэрэгжилтийн явцтай танилцлаа. Монгол улсын Консерваторын захиргаа

Монгол Улсын Урлагийн Гавьяат зүтгэлтэн, Шинжлэх ухааны доктор /Sc.D/, профессор Л.Эрдэнэчимэгийн Цай Вэнжи гүнжийн “Нүүдэлчдийн цуурын 18 аялгуу” судалгааны бүтээлийн нээлт 2025.10.08-ны 14:00 цагт Монгол Улсын Консерваторын Номын санд амжилттай болж өндөрлөлөө.

Монголын циркчид “ХҮРЭЛ АРСЛАН” цомын эзэд боллоо Монгол Улсын Консерваторын Циркийн тэнхимийн 2025 оны төгсөгчид болох залуу уран бүтээлчид БНХАУ-д зохион байгуулагдсан Дэлхийн циркчдийн “А” зэрэглэлийн тэмцээнд амжилттай оролцлоо.

Мэргэжлийн төгөлдөр хурын тэнхимийн багш Ж.Ариунзаяагийн “Техник хөгжүүлэлт, давталтын арга” мастер класст урьж байна.

МАГИСТРЫН ХӨТӨЛБӨРИЙН ЭЛСЭЛТ

Монгол, оросын их, дээд сургуулиудын ректоруудын анхдугаар чуулган энэ сарын 4-6-ны өдрүүдэд Бүгд найрамдах Буриад Улсын нийслэл Улаан-Үд хотноо зохион байгуулагдлаа. Монгол Улсын Боловсролын сайд П.Наранбаяр, ОХУ-ын Шинжлэх ухаан, дээд боловсролын яамны орлогч сайд Константин Могилевский, Бүгд найрамдах Буриад улсын тэргүүн Алексей Цыденов, Буриад улсын их сургуулийн ректор Алдар Дамдинов, төрийн өмчит их сургуулийн болон хувийн сургуулийн төлөөлөл 12 ректор , проректор, ОХУ-ын 57 их, дээд сургуулийн ректор, проректор, хоёр орны зочид, төлөөлөгчид оролцов.

Монгол улсын консерваторын профессор Л.Баасанхүү багш Монгол Улсын Урлагийн Гавьяат зүтгэлтэн цол хүртлээ. Консерваторын багш, удирдлагууд хүлээн авч, хүндэтгэл үзүүлэв.

Эрхэм хүндэт эрдэмтэн багш нар, зочид, ажилтан, албан хаагчид, эцэг эхчүүд, оюутан сурагчид та бүхнийг Монгол улсын Консерваторын мэргэжлийн болон техникийн боловсролын төгсөгчдийн Мөнгөн хонхны баярт хүрэлцэн ирэхийг урьж байна.

АЙЛЧЛАЛ Бүгд найрамдах Австри улсын Ерөнхийлөгч Александр Ван дер Беллены Монгол улсад хийж буй айлчлалын хүрээнд Монгол улсын Консерватор Австри улсын Венийн Хөгжим театр урлагийн их сургууль хооронд хамтын ажиллагааны гэрээ байгуулж гэрээнд захирал хатагтай Улрике Зих ноён Ц.Шаравцэрэн нар гарын үсэг зурлаа.

Олон улсын болон дотоодын ижил төст сургууль, судалгааны хүрээлэнгийн эрдэмтэн багш, судлаач, оюутны эрдэм шинжилгээ, судалгааны бүтээлийг нийтэд таниулах, дэмжих, бүтээлч сэтгэлгээг хөгжүүлэх, багш оюутны хамтын ажиллагааг өргөжүүлэх, онол практикийн мэдлэгийн уялдаа холбоог сайжруулах, академик хөгжмийн салбар дахь үлээвэр, цохивор хөгжмийн бүтээлийн талаарх мэдлэгийг гүнзгийрүүлэх, мэргэжлийн сургалтын арга барилыг шинэчлэх, бүтээлч туршлага солилцох нөхцлийг бий болгох зорилгоор хоёр дахь удаагаа Монгол Улсын Консерватор, ҮБХИС Цэргийн Хөгжмийн Политехник Коллеж хамтран ТОГТВОРТОЙ ХӨГЖИЛ: МОНГОЛ ДАХЬ ҮЛЭЭВЭР, ЦОХИВОР ХӨГЖМИЙН СУРГАЛТ-2025 эрдэм шинжилгээний хурлыг зохион байгуулж амжилттай болж өндөрлөлөө.